Օրերս Դպրոց-պարտեզի այգում, ծաղկամաններում ցանեցինք միամյա և բազմամյա ծաղիկների սերմեր: Ծաղիկների սերմեր ցանեցինք նաև անիվ-ծաղկամաններում, ինչպես նաև վաղուց հատված ծառից նվեր մնացած կոճղի վրա, այն օգտագործելով որպես ծաղկաման: Հույս ունենք, որ ծաղիկները կսիրեն իրենց նոր միջավայրը ու կգունավորեն այն:
«Բույսերի և կենդանիների խնամք» ընտրությամբ գործունեության խմբի սովորողների հետ իրականացրեցինք «Կոմպոստ» նախագիծը, որի ավարտը պետք արձանագրենք, ըստ կոմպոստի հասունացման և պատրաստման կանոնների՝ աշնանը, պատրաստման օրից 4-6 ամիս հետո:
Աշխատանքները կատարվել են փուլ առ փուլ, նախ ուսումնասիրել ենք՝ ի՞նչ է նշանակում կոմպոստը, ծանոթացել ենք պատրաստման եղանակին: Այնուհետ, ըստ պատրաստման ընդունված ու տարածված մեթոդի, սկսել ենք հավաքել Դպրոց-պարտեզի այգում թափված սննդի մնացորդները, չոր և խոնավ տերևները: Ընտրել ենք տարածքը, և սկսել ենք կոմպոստի պատրաստման աշխատանքերը: Ինքնին այն դեռ անավարտ է, քանի որ, քայքայման ողջ գործըթացը չի ավարտվել: Աշնանը կունենանք լավ ու օգտակար հանածոներով հարուստ հող, որով էլ կպարարտացնենք բույսերն ու ծառերը:
Կատարված աշխատանքի հղումներ՝
1. Կոմպոստի պատրաստման կարգ, եղանակ
2.Կոմպոստի նախապատրաստական աշխատանքներ
3.Կոմպոստի պատրաստման հիմնական փուլն ավարտված է
Այս ամփոփիչ նյութերում ներկայացված է Դպրոց-պարտեզում կատարված ամենօրյա անհոգնել աշխատանքի, բակը՝ պարտեզ-այգի դարձնելու աշխատանքերը: Յուրքանչյուր սովորող, իր հոգու ուժի և ջանքի մի կաթիլն ունի այս աշխատանքերում: Իրականում այս ամենը ամենօրյա այն աշխատանքի մի մասն է, որը չենք էլ հասնցում շատ անգամներ ֆիքսել, ոչ թե չենք ուզում, այլ աշխատանքով ենք տարված ու ոգևորված, միայն ավարտելիս ենք հասկանում, որ չենք ֆիքսել: Շնորհակալ ենք մայր բնությանը, և չենք դաթարելու խնամել ու գեղեցկացնել մեր այգին, մեր բակ-պարտեզը:
Սիրով՝ Դպրոց-պարտեզի այգեգործների, բուսաբան-կենդաբանաբանների խումբ, իսկ այդ խմբում բոլորն են՝ ամենապստիկից մինչև պստիկամեծը:
«Մեկ բալին մեկ կեռաս, կամ բալենու դրկից կեռասը» նախագիծը շարունակվում է: Մեր այգին օրեցօր էլ ավելի է գեղեցկանում ու համեղանում նորատունկ կեռասենիներով ու բալենիներով:
Նախագիծ
Դպրոց-պարտեզի այգում 4-րդ և 5-րդ դասարանցիների հետ սկսել ենք ՝ «Մեկ բալին մեկ կեռաս, կամ բալենու դրկից կեռասը» էկոնախագիծը:
Նպատակը:
Դպրոց-պարտեզի բակ-պարտեզում ունենալ բալենիներին և կեռասենիների այգի:
Ժամկետները:
Սկիզբ՝ Ապրիլ
Ավարտ՝ բերք ստանանք՝ կասենք 🙂
Մասնակիցներ:
Դպրոց-պարտեզի 4-րդ և 5-րդ դասարանցիներ
Նախագծի ընթացքը:
1.Մեկ բալին մեկ կեռաս, կամ բալենու դրկից կեռասը. Կարբիից բերված ծառերի տունկը
2.«Մեկ բալին մեկ կեռաս, կամ բալենու դրկից կեռասը» նախագիծը շարունակվում է
Սոնա Փափազյան 