RSS

Tag Archives: ընթերցանություն

Ընթերցասերի ամառ

«Ամառային ընթերցանություն» ծրագիրը նախաձեռնել է «Զանգակ» հրատարակչությունը: Ծրագրի մասնակիցը դառնալու համար շատ բան հարկավոր չէ. 8-18 տարեկա՞ն եք, սիրո՞ւմ եք կարդալ, դե ուրեմն միացեք: Ծրագրին մասնակցելու համար հարկավոր է գնել  ներկայացված ցանկից մեկ գիրք և դու արդեն մասնակիցն ես ամառային հեքիաթի:  Ծրագրում արդեն ներառված է  15 գիրք, այդ թվում Շեքսպիրի «Մակբեթ», «Փոթորիկ», «Ռոմեո և Ջուլիետ», «Ամռան գիշերվա երազը» ստեղծագործությունների վերապատումները՝  հատուկ երեխաների համար. «Թվում է` Շեքսպիր կարդալը դժվար է, բայց պատմությունները փոքր տարիքի ընթերցողին են հարմարեցված. նրանց պատմությունն է գրավում, ոչ թե լեզվաոճական առանձնահատկությունները»,-ասում է «Զանգակ»-ի ծրագրերի ղեկավար Սոնա Մնացականյանը:

Այս անգամ հանդիպումը տեղի ունեցավ Ազատության 1  հասցեում գտնվող Իքսորա գրատանը: Զով, հարմար ու գրքաշատ միջավայրում էլ տեղի ունեցավ ամառային ընթերցանության հերթական հանդիպումը: Հանդիպման անակնկալներից էր գրքային հերոսներից մեկի, բոլորի կողմից շատ սիրված ՝ երկարագուլպա Պիպիի ներկայությունը: Նա, չնայած իր անհանգիստ, հանդուգն, կամակոր բանվորությանը, պատկերացրեք, որ բավական ընթերցասերը դուրս եկավ՝ կարդացել էլ ամառային ընթերցանության ցանկում տեղ գտած գրքերից գրեթե բոլորը: Դե, Արեգ Սերոբյանը, ինչպես միշտ, իր անառիկ բարձունքում էր՝ ընթերցել էր բոլոր գրքերը, մեկն էլ ընթացքի մեջ է: Շշմելու տղա, շշմելու եղբայրներ: Դե Վահագն էլ, ինչ հնարավոր էր ուսումնասիրեց իր հուր արձակող աչքերով,վերջում մի փազլ հաջողացրեց նվեր ստանալ մայրիկից, Տիգրանն էլ ակտիվ մասնակցեց ընթերցանության քննարկմանը, չտեսնված եղբայրներ են՝ մեկը մյուսին չէր զիջում: Վերջում առիթ ունեցա զրուցելու ծրագրի համակարգող-ղեկավար Սոնայի հետ, ով արդեն քաջատեղյակ է մեր կրթահամալիրից ու նրա ընթերցասեր սովորողներից, ինձ Ֆեյսբուքից գիտեր՝ դե պարբերաբար Զանգակի նյութերը վերահրապարակելու շնորհիվ: Առիթը բաց չթողեցի ու հրավիրեցի մեր Ինտելեկտուալ ընթերցանության ակումբին ներկա լինել, մասնակցել քննարկումներին, ծանոթանալ քննարկվող ստեղծագործություններին: Ճիշտ է, ակումբի 2-րդ հանդիպումը  համընկնում է Ամառային ընթերցանության ծրագրի հերթական հանդիպմանը, բայց Սոնան հավատացրեց, որ  կհետևի և հարմար առիթի դեպքում՝ սիրով կհյուրընկալվի: Գրքի հետ մտերմանալու լավագույն առիթներից, կեցցե՛ք Զանգակ հրատարակչության զրնգուն  աշխատակիցներ, փայլուն գաղափար է:

Հ. գ- Հաջորդ հանդիպումը տեղի է ունենալու հուլիսի 9-ին՝ ժամը 13.00-ին Էդիթ Պրինտ գրատանը, հասցե՝ Տիգրան Մեծի պողոտա 65

Advertisements
 

Պիտակներ՝

Ինտելեկտուալ ընթերցանության ակումբ. հանդիպում-քննարկում առաջին

► Եթե մենք բոլորին տեսնենք այնպիսին, ինչպիսին նրանք կան իրականում թեկուզ դա մի պահ տևի միայն, այդ ընթացքում մենք ոչ միայն կհավատանք այլև կսիրենք այն ինչ կտեսնենք:
► — Գոյություն ունի միայն մեկ օրենք՝ այն, որ օգնում է լինել ազատ,- ասաց Ջոնաթանը,- ուրիշ օրենք չկա։
Ռիչարդ Բախ «Ջոնաթան Լիվինգսթոն Ճայը»
Ինտելեկտուալ ընթերցանության ակումբն արդեն աշխատում է
Ակումբի առաջին հանդիպում-քննարկումը տեղի ունեցավ՝ 02.07.2014-ին Մեդիակենտրոնում.
Հ. Գ- Ինտելեկտուալ, իմ կարծիքով(ամենայն սուբեկտիվ) ինդիվիդուալ, որովհետև ինտելեկտուալությունը ինդիվիդուալության տեսակ է, կամ հենց ինքն է որ կա 

 

Պիտակներ՝

Ջաննի Ռոդարի: Մեդիափաթեթ

Ջաննի Ռոդարի: Մեդիափաթեթ

 

Պիտակներ՝ ,

Հետաքրքիր փաստեր ընթերցանության մասին

P1140951

1.Մարդկանց 95%-ը շատ դանդաղ է կարդում` մեկ րոպեյում մոտ 180-220 բառ (1 էջը` 1.5-2 րոպեյում)

2. Բիբլոկլեպտոման անվանում են այն մարդուն, ով գրքեր է գողանում

3. Նապալեոնը կարդում էր մեկ րոպեյում 2000 բառ

4. Աշխարհում ամենաերկար գրական արտահայտության հեղինակը Ալեքսանդր Ժիդսկին է: Արտահայտությունը բաղկացած է մոտ 2500-ից ավելի բառերից և գրավում է 8 էջ

5. Երեխային ընթերցանությանը սովորեցնելու ամենալավ տարիքը 4-6 տարեկանն է

6. Հարավաֆրիկյան քաղաքական գործիչ Յան Քրիստյան Սմետսը սովորել է անգիր 5000 գիրք

7. Ըստ ՅՈՒՆԵՍԿՕ-ի աշխարհում ամենաընթերցվող գրողը Շեքսպիրն է, իսկ 2-րդ տեղում է Լև Տոլստոյը

8. Արագ ընթերցանության ժամանակ աչքերը հոգնում են ավելի քիչ, քան դանդաղ կարդալիս

9. Ուիլյամ Շեքսպիրի ստեղծագործություններում «սեր» բառը նշվում է 2259 անգամ, իսկ «ատելություն» բառը` 229 անգամ

10. Աշխարհում գրքեր գնում են հիմնականում 45 տարին անց մարդիկ, ընդ որում բոլոր գրքերի 68%-ը գնում են կանայք

11.Մաքսիմ Գորկին կարդում էր մեկ րոպեում չորս հազար բառ:

12.Ստալինը կարդում էր օրական  400 էջ, ու դա նրա նվազագույն չափն էր:

13.Արագ ընթերցանության ժամանակ աչքն ավելի քիչ է հոգնում, քան դանդաղի դեպքում:

14.Բալզակը կարդում էր 200 էջանոց վեպը կես ժամում:

15..Ռոմեն Ռոլանը կարդացել է 250.000 գիրք:

 

Պիտակներ՝

Գրքերի գրոհ 2014

1620610_798306250195907_806552986_n

Գուրգեն Մահարու երկերի լիակատար հավաքածուի սկիզբը, Սըր Ալեքս Ֆերգյուսոնի ինքնակենսագրությունը, Սթիվ Ջոբսի արտոնագրված կենսագրությունը, Լևոն Խեչոյանի շատ երկար սպասված ստեղծագործությունը և այլ կարևոր գրքեր, որոնք կհրատարակվեն 2014 թվականին Հայաստանում և որոնք պետք է ունենալ անձնական գրադարանում:

 

2013-ի փորձությունը
Անցած տարին գրքի ու գրահրատարակչության համար յուրօրինակ փորձության տարի էր: Հետաքրքիր էր տեսնել՝ 2012-ին Երևանի՝ որպես գրքի համաշխարհային մայրաքաղաքի տիտղո՞սն էր որոշակի աշխուժություն առաջացրել այդ ոլորտում, թե՞ հայաստանյան հրատարակչությունները վերջապես սկսել են գործել նախօրոք մշակված հեռագնա ծրագրերով, և գրքի մայրաքաղաքի տիտղոսը հրաշալի առիթ էր այդ ծրագրերի մեկնարկը վերջապես տալու համար: Պարզվեց, անշուշտ, որ, այո, կան այսպես կոչված՝ «գրքի ու գրականության նվիրյալներ», որոնք չգիտես որտեղից հայտնվեցին հենց 2012-ին ու նույն առեղծվածայնությամբ էլ անհետացան գրքի մայրաքաղաքի տիտղոսը Երևանից Բանգկոկին փո-խանցելուն պես կամ շարունակում են իրենց խորհրդանշական «գործունեությունը»:

Բայցև պարզվեց, որ լավատեսությունն էլ անհիմն չէ, որովհետև 2013-ին հատկապես «Անտարես», «Զանգակ-97», «Սարգիս Խաչենց», «Փրինթինֆո», «Էդիթ Պրինտ» հրատարակչությունները շարունակեցին ակտիվ ու նպատակասլաց հրատարակչական գործունեությունը և մեր գրադարակները հարստացրեցին բազմաթիվ արժեքավոր գրքերով: Մասնավորապես՝ «Անտարեսը» ստեղծեց նոր մատենաշար՝ «Օտար գիր» խորագրով, որտեղ բնագրից կատարված թարգմանությամբ լույս կտեսնեն համաշխարհային գրականության թե՛ դասական, թե՛ ժամանակակից գործեր, ընդ որում՝ դրանց մեծագույն մասը հայերեն լույս կտեսնի առաջին անգամ: Արդեն լույս են տեսել Միգել դե Ունամունոյի «Մառախուղը», Ալբերտո Մուսսայի «Ձախ կողմի վարպետը», Ահմեդ Համդի Տանպինարի «Խաղաղություն» վեպերը: Մյուս՝ «Կողմնացույց» մատենաշարը հասցեագրված է պատանիներին՝ Դանիել Դեֆո՝ «Ռոբինզոն Կրուզո», Մարկ Տվեն՝ «Թոմ Սոյերի արկածները» և այլն: Եվս 6 գրքով ավելացավ «Պարտադիր ընթերցանություն» մատենաշարը, այդ թվում՝ Ալեն-Ֆուռնիեի «Երկար Մոլնը», Էմիլ Զոլայի «Թերեզ Ռաքեն», Լևոն Խեչոյանի «Արշակ արքա, Դրաստամատ ներքինի» վեպերը: Եվ իհարկե, լույս տեսան ժամանակակից հայ գրողների գրքեր, որոնցից պետք է առանձնացնել հատկապես Հովհաննես Գրիգորյանի, Ավագ Եփրեմյանի, Հակոբ Մովսեսի, Հուսիկ Արայի նոր ժողովածուները:

«Զանգակ-97» հրատարակչությունը շարունակեց համալրել իր «Աշխարհի գրականությունը հայերեն» մատենաշարը: Լույս տեսան Առնո Գայգերի «Ծեր թագավորը իր աքսորավայրում», Ֆրենսիս Սքոթ Ֆիցջերալդի «Մեծն Գեթսբին» վեպերը: Պատանիներին հասցեագրված գրքերի շարքում հարկ է առանձնացնել Աստրիդ Լինդգրենի «Երկարագուլպա Պիպին» վիպակը: Բավականին մեծ է նաև այս հրատարակչության՝ 2013 թվականի ընթացքում տպագրած մանկական և ուսումնական գրքերի տեսականին:

«Սարգիս Խաչենց» և «Փրինթինֆո» հրատարակչությունները 2013 թվականին հայ ընթերցողին նվիրեցին մի այնպիսի աննախադեպ ու հիրավի փառահեղ հրատարակություն, ինչպիսին Շեքսպիրի «Համլետ»-ն է՝ Արամ Թոփչյանի նոր թարգմանությամբ, ընդարձակ ու բովանդակալից ծանոթագրություններով ու մեկնություններով:

«Էդիթ Պրինտ» հրատարակչությունը շարունակեց նոր գրքերով համալրել իր «Իմ գրադարանը», «Հայ դասական գրողներ» մատենաշարերը: «Համաշխարհային գրականություն» մատենաշարով հրատարակել է Ջեկ Լոնդոնի «Մեծ տան փոքրիկ տիրուհին», Օսկար Ուայլդի «Դորիան Գրեյի դիմանկարը» վեպերը, Ալեքսանդր Պուշկինի, Անտոն Չեխովի, Միխայիլ Լերմոնտովի հատորյակները և այլն:

Ըստ ամենայնի, 2014 թվականը գրահրատարակչական դաշտում է՛լ ավելի բուռն է լինելու, և հայ ընթերցողների հրաշալի գրքերի իսկական գրոհ է սպասվում: Ելնելով հրատարակչությունների՝ տարբեր առիթներով շրջանառած տեղեկություններից, գրքերի վերջում ներկայացված սպասվելիք հրատարակությունների ցանկից, առանձնացրել ենք հետևյալները:

աղբյուր՝ http://imyerevan.com/

հեղինակ՝ Արքմենիկ Նիկողոսյան

 

Պիտակներ՝ ,

Ուզում եմ, որ այս պատմությունը շատերը կարդան…

Երբ կարդաս, անպայման աղոթիր հիվանդների համար.
1239632_10151975660450809_1784540905_n

Հինգ տարեկան մի փոքրիկ մտնում է դեղատուն, ցույց տալով իր մոտ եղած դրամները, հարցնում է դեղագործին.
— Այս դրամներով կարո՞ղ եմ հրաշք գնել:
Դեղագործը լսում է փոքրիկին և զարմացած հարցնում, թե ով է պատվիրել իրեն <հրաշք > գնել:
Փոքրիկը պատասխանում է.
— Բժիշկը ասաց, որ մայրդ միայն հրաշքով կբժշկվի, խնդրում եմ օգնիր ինձ, իմ դրամները բավակա՞ն են:
Դեղագործը ասում է փոքրիկին.
— Երանի թե այդ դեղը մոտս լիներ, ես անվճար կտայի, որովհետև մայրիկիդ շատ ես սիրում: Քո մայրիկի դեղը միայն Հիսուսի մոտ կա, գնա եկեղեցի և ասա Հիսուսին, որովհետև Հիսուսը փոքրերին շատ է սիրում, ու կլսի քո խնդրանքը:
Փոքրիկը վազելով եկեղեցի մտավ, կանգնեց խաչված Հիսուսի պատկերի առջև և ասաց.
— Գիտեմ՝ խաչված ես, ցավերի մեջ ես, ինձ լսելու ժամանակ չունես, բայց դեղագործը ասաց, որ մայրիկիս <հրաշք> դեղը մոտդ է: Մայրիկիս շատ եմ սիրում, և իմ ունեցած դրամները սրանք են, որ հավաքել էի հեծանիվ գնելու համար, վերցրո՛ւ սրանք, և խոստանում եմ, որ կվերադառնամ և կօգնեմ քեզ, որ խաչից իջնես, միայն խնդրում եմ, արագ տուր: Read the rest of this entry »

 

Պիտակներ՝

ԽՈՐԽԵ ԼՈՒԻՍ ԲՈՐԽԵՍ / Որոշ ժամանակ անց

images

Որոշ ժամանակ անց հասկանում ես օգնության ձեռք մեկնելու և հոգին շղթայելու նուրբ տարբերությունը և սովորում ես, որ սերը չի նշանակում պառկել, ընկերակցությունը չի նշանակում ապահովություն,և սկսում ես սովորել…Որ համբույրները պայմանագրեր չեն և նվերները խոստումներ չեն, սկսում ես ընդունել ջախջախիչ պարտություններդ բարձր ճակատով և բաց աչքերով, սովորում ես կառուցել բոլոր ճանապարհներդ այսօր, որովհետև վաղվա հողը չափազանց անկայուն է ծրագրերի համար, և երբեմն մրգերը ժամանակից շուտ են ընկնում: Read the rest of this entry »

 

Պիտակներ՝