Առասպել գամված Արտավազդի մասին

Առասպել գամված Արտավազդի մասին

Հայկական հին զրույցը պատմում է, որ շատ տարիներ առաջ, Արտաշես Մեծը, որը Հայաստանին փառք, բարգավաճում ու լիություն էր նվիրել, հիմա հայրենիքից հեռու մահանում էր՝ թախիծը և հայրենիքի կարոտը սրտում: Լացով ու հառաչանքով նա հրաժեշտ էր տալիս իր հայրենի հողին ու չէր կարող պատկերացնել, թե ինչ ապագա է նրան սպասում: Եվ մարդիկ, իմանալով նրա մահվան մասին, իրենց մազերն էին պոկում գլխներից ու դառը հեկեկում էին մայրաքաղաքի պատերի տակ: Միայն Արտաշեսի զավակը՝ արքայազն Արտավազդը, ոչ մի կաթիլ արցունք չթափեց: Նա միայն քմծիծաղ տվեց ու դժգոհությամբ բացականչեց.

— Նա հեռանում է մեզնից, ոնց որ թե ամբողջ երկիրն է իր հետ տանում՜: Ինձ էլ մնում է փլատակների վրա թագավորեմ:

Մահացող արքան լսեց այդ խոսքերը ու օրհնանքի տեղը նրան անեծքներ ուղարկեց:

 

Ամառային երկուշաբթիներն էլ են հագեցած

Այսօրը սկսել ենք նախակրթարանի խմբասենյակի առաստաղի կոսմետիկ նորոգման աշխատանքներով: Խմբասենյակի առաստաղը արդեն նորոգված է, պատրաստ: Գորգերի լվացումը՝ շոգին, թերևս, զովանալու ևս մեկ միջոց է, տիկին Մարինեն ու Նոռան՝ լավ էլ գլուխ են հանում: Դպրոցում շինարարական աշխատանքները իրենց բնականոն ընթացքով ընթանում են: Ունեցել ենք ընդելունելությամբ հետաքրքրված այցելու-ծնողներ, իրենց բալիկների հետ:

Այսօր, պարտեզ էին այցելել Արևիկ Բաբայանը իր որդի Ալեքսի հետ: Ալեքսը արդեն մեծ, ուժեղ տղա է, պատրաստվում է հաճախել պարտեզ, իսկ մայրիկն էլ՝ վերադառնում է իր աշխատանքին: Բարով եկար, մեր սիրելի ընկեր Արևիկ:  Պարտեզային խմբում է լինելու նաև ընկեր Արփինեի՝ պարի դասավանդողի Անդրանիկ անունով անդրանիկը:

 

ՄԵՂՐԱՁՈՐԻ ԱՐՇԱՎԱԽՄԲԱՅԻՆ ՃԱՄԲԱՐ 16.08-20.08

Oր առաջին,16.08
9:00.               մեկնում Երևանից` Սուրբ Երրորդություն եկեղեցու բակից
11:00-11:30.  կանգառ Մարմարիկ գետի ափին
12:00-13:00   ժամանում և տեղավորում  ճամբարում, նախապատրաստում ճաշին
13:00-14:00.  ճաշ
14:00-15:00.  ծանոթացում տեղանքին, էկոլոգիական նախագծի իրականացում
15:00.             ճանապարհում 1-ին փուլի ճամբարականներին
15:30-16:30.  լող
16:30-17:00.  հանգիստ
17:00-18:30.  մարզական խաղեր
18:30-19:00.   նախապատրաստում ընթրիքին
19:00-20:00.   ընթրիք
20:00-22:00.   խարույկ, օրվա ամփոփում
22:00.              քուն

Oր երկրորդ, 17.08
08:00-09:30.  վերկաց, անձնական հիգիենա, նախավարժանք, նախաճաշ
09:30-12:30.  այցելություն  գյուղ, ծանոթացում գյուղին, հնավայրերին, ազգագրական աշխատանք
12:30-13:00.  նախապատրաստում ճաշին
13:00-14:00.  ճաշ
14:00-18:00.  արշավ Մարմարիկի ջրամբար
18:30-19:00.  նախապատրաստում ընթրիքին
19:00-20:00.  ընթրիք
20:00-22:00.  խարույկ, օրվա ամփոփում
22:00.             քուն

 

Բարձունքի հաղթահարում. Արտանիշ լեռ

Լուսանկարը՝ Արտանիշ լեռան բարձունք/Հունիսի 22. 2015թ./

«Բարձունքի նվաճում» ուսումնական-հայրենագիտական նախագիծը միասնաբար իրականացվում է տարին երկու անգամ` սեպտեմբերի 21-ին և մայիսի 28-ին։

Ուսումնա-հայրենագիտական ճամփորդության խումբը` տարատարիք կամ հասակակից սովորողներ, ծնողներ, ուսուցիչներ, լրագրողներ, պարզապես բարեկամներ։ Խմբում կարող են լինել ինչպես կրթահամալիրի, այնպես և քաղաքի, հանրապետության տարբեր դպրոցների սովորողներ։

Հաղթահարվող բարձունքը՝ Արտանիշ լեռ( Լեռը գտնվում է  Սևանա լճի ափին։ Բարձրությունը՝ 2461 մ (հարաբերական բարձրությունը՝ մոտ 560 մ)։

Նպատակը՝ Սովորողների աշխարհագրական, հայրենագիտական, ճամփորդական գիտելինքների զարգացում, ամրապնդում, կողմնորոշում տեղանքում, հայրենիքի տեսարժան վայրերի ու բարձունքերի բացահայտում:

Մասնակիցներ՝ Դպրոց-պարտեզի 4-րդ 5-րդ դասարանցիներ

Նախագծի ընթացքը՝ Մինչև բարձունքի հաղթահարումը, հայրենագիտության դասաժամերին, տանը նախատեսվում է ուսումնասիրել այցելվող վայրը, հնարավորին շատ տեղեկություններ իմանալ-սովորել: Կարողանալ երթուղի գծել google map-ով մինչև նախատեսվող վայր, ծանոթանալ Գեղարքունիքի մարզի կլիմային, բուսական և կենդանական աշխարհին:

Մեկնում՝ Սեպտեմբերի 21-ն, Դպրոց-պարտեզից 08:00-ին

Վերադարձ՝ 18:00՝ Դպրոց-պարտեզ

Արշավական-ճամբարականի անհրաժեշտ պարագաները
Ուսապարկ
Օրապահիկ, 1լ ջուր
Մարզական համազգեստ, տաք հագուստ
Արևապաշտպան գլխարկ, ակնոց
Մոծակի, միջատի խայթոցի դեմ քսուք
Թվային միջոցներ` ֆոտոխցիկ, տեսախցիկ, ձայնագրիչ

Սրբիչ, լողազգեստ

Արշավական-ճամբարականը
չի ուշանում
չի տրտնջում
չի հոգնում
չի խուսափում դժվարություններից
օգնում է ընկերոջը
մաքուր է պահում շրջապատը
ակտիվ է, նախաձեռնող ու կարգապահ
լուսաբանում է, պատմում, ներկայացնում

իր հետ չի բերում գազավորված ըմպելիք, չիփսեր

Նախատեսվող գումար՝ 1անձը՝ 2800 դրամ

 

Օգոստոսյան մարզական, աշխատանքային, ուրախ, պարային, ջերմոցային բարիքների, խոհանոցային եռուզեռը Դպրոց-պարտեզում

Տոնոյան Հայարփի

Մեր հերթապահության 2-րդ օրը սկսեցինք մեր շատ սիրելի Սոնայի պատրաստած կեքսիկների համտեսումով:

Այնուհետև հաջորդեց ընդհանուր ուրախ պարապմունքը:

Մի լավ պարելուց, երգելուց հետո անցանք պարտեզային մաքրման աշխատանքներին:

Որից հետո աշխատանքը շարունակվեց գյուղացիական տնտեսությունում, որտեղ բանջարանաբոստանային բույսերը ազատեցինք մոլախոտերից:

Աշխատանքից զատ չմոռացանք նաև ուտելու մասին` հավաքելով մեր աճեցրած բանջարեղենները: Մեծ ոգևորությամբ եկանք դպրոց և մեր արդար ձեռքով ցանած, աճեցրած գյուղատնտեսական բարիքներից  շատ համեղ ընդմիջում պատրաստեցինք: Այդ բարիքներից օգտվեցին նաև մեր պարտեզի փոքրիկները:

Չմոռանանք նաև այս երկու օրերի ընթացքում եղած երկու ընդունված սովորողների մասին` մեկը 2-ից 4 տարեկանների պարտեզային խմբում, մյուսը` 1-ին դասարան:

Շատ հավես,  լեցուն օր էր: Ինչպես ասում են`ինչքան ուժ ունեինք տեղը տեղին հերթապահեցինք:

View original post

 

Օգոստոսյան հավես, ուրախ, արդյունանվետ օրը Դպրոց-պարտեզում

Անգլերենի ուսուցումը կրտսեր դպրոցում

Մեր հերթապահության 3-րդ օրը սկսեցինք առավոտյան ուրախ, մարզական ընդհանուր պարապմունքով: Մի լավ պարելուց, մեր մարմինները մարզելուց հետո անցանք գործի:

Սոնան արդեն ամենօրյա սովորության համաձայն վերցրեց ցնցուղը ու մի լավ ջրեց, ջրջրեց դպրոցը:

Այնուհետև մի լավ ուժ հավաքեցինք ու անցանք պարտեզի մաքրման աշխատանքներին:

Դրանից հետո գնացինք գյուղացիական տնտեսություն  Արցախից եկած հյուրերի համար ձմերուկ, սեխ բերելու:

Այնտեղ տեսանք, թե ինչպես է վարպետ Օնիկը մեր շան` Ռոքսիի համար ճաղավանդակներով բուն պատրաստում:

Արցախից եկած հյուրերը` տիկին Նազիկի դուստր բժշկուհի Նոնան իր 2 երեխաների հետ, շատ հավանեցին մեր ջերմոցի համեղ, կարմիր  ձմերուկը և անչափ քաղցր սեխը:

Էլ ինչ հերթապահություն առանց լողի: Ես իմ մեջ համարձակություն գտա ու մտա լողավազան: Հերիք չի մտա, մի հատ էլ  փորձեցի միանգամից, առանց որևէ մեկի օգնության, լողալ սովորել: Ու ստացվեց: Ես արդեն կարողանում եմ լողալ 🙂

Այսօրն էլ անցավ շատ ուրախ, հավես ու, ամենակորևորը, արդյունավետ 🙂

View original post

 

Օգոստոսյան այցեր, ընդունելություն

 Այսօր դպրոց էին այցելել  Էվա և Նանե հրաշք քույրիկները իրենց մայրիկի հետ: Ցանկանում էին ծանոթանալ դպրոցին, պայմաններին: Եկել էին շատ պատահական՝ փնտրել ու գտել էին մեզ, հետաքրքիր է, չէ՞: Շրջեցինք դպրոցով, շատ հավանեցին լողավազանը, կավագործության սենյակը, նապաստակներին, ծանոթացանք կայքին, ենթակայքին, շատ ոգևորվեցին երբ իմացան, որ իրենց մասին հենց այսօր նյութ է հրապարակվելու կայքում: Եթե հիմա էլ ընթերցում են՝ ողջույններ ենք փոխանցում իրենց:)

Էվան 4 տարեկան է, հաճախելու է պարտեզային խումբ, իսկ Նանեն 5 տարեկան է, հաճախելու է հինգ տարեկաններին նախադպրոցական խումբ՝ «Իմացումի հրճվանք» ծրագրով:

Անհրաժեշտ բոլոր փաստաթղթերի մասին մայրիկին տեղյակ պահվեց: Կոնտակտային  տվյալները վերցրեցինք, տեղեկատվական թերթիկ փոխանցեցինք ու գրանցեցինք: